"კატანიას” მთავარი მწვრთნელი სინიშა მიხაილოვიჩი, რომელიც "ინტერის” მომავალ თავკაცად განიხილება, იტალიური გრანდის ხელმძღვანელობას 22 მაისს ჩემპიონთა ლიგის ფინალის შემდეგ შეხვდება.
იტალიური მასმედიის ცნობით, მიხაილოვიჩი "ინტერში”ჟოზე მაურინიოს სავარაუდო შემცვლელებს შორის მთავარ კანდიდატად მიიჩნევა. როგორც ცნობილია, მაურინიოს გადაბირების სურვილი მადრიდის "რეალს” აქვს და დიდი შანსია ზაფხულში პორტუგალიელი ესპანეთის დედაქალაქში გადაბარგდეს.
Corriere dello Sport-ის ცნობით, მიხაილოვიჩი და "ინტერის” ხელმძღვანელობა აუდიენციის დროს მომავალი კონტრაქტის პირობებს განიხილავენ. აქვე შეხსენებისთვის, სერბი სპეციალისტი 2006 -2008 წლებში მილანურ კლუბში მაშინდელ მთავარ მწვრთნელ რობერტო მანჩინის თანაშემწედ მუშაობდა.
