ხავიერ ძანეტი თავის გუნდთან ერთად 1997 წელს "შალკეს" დაუპირისპირდა უეფა–ს თასის ფინალში და "ინტერი" დაამარცხდა გერმანულ გუნდთან, ეხლა კი მათ რევანშის შანსი ეძლევათ. იმდროინდელი შემადგენლობიდან "ნერაძურის" მხოლოდ ხავიერ ძანეტი შემორჩა, რომელიც დარწმუნებულია, რომ ბუნდესლიგის წარმომადგენლის დაუფასებლობა არასწორი იქნება 
1/8 ფინალში "ინტერმა" უკვე დაამარცხა ბუნდესლიგის ერთი წარმომადგენელი, "ბაიერნი", რომელიც შარშანდელი ფინალის წაგების გამო რევანშს გეგმავდა. "ბაიერნი" გერმანიის ჩემპიონატში "შალკეს" 12 ქულით უსწრებს და შეიძლება ითქვას, რომ ლეონარდოს გუნდმა უკვე გადალახა ევროპულ არენაზე გერმანიის ყველაზე ძლიერი გუნდის ბარიერი
ხავიერ ძანეტი ასეთ კომენტარს აკეთებს:
" ჩვენ პატივი უნდა ვცეთ "შალკეს'. ის, როგორც ნებისმიერი სხვა შესაძლო მეტოქე 1/4 ფინალში იბრძოლებს. ფრთხილად უნდა ვიყოთ. 1/4 ფინალში მხოლოდ გამართლების გამო არავინ გადის.
1996/97 წლის ფინალშიც ორმატჩიანი დაპირისპირება გაიმართა და 'ინტერმაც" და "შალკემაც მინიმალური ანგარიშებით იმარჯვეს, მაგრამ თერთმეტმეტრიანები უფრო ზუსტად გელზენკირხელებმა შეასრულეს და 4–1 გაიმარჯვეს. ძანეტი მაშინ "ინტერში" თავის მეორე სეზონს ატარებდა
"ძალიან გაბრაზებული ვიყავი, რადგან ფინალში პენალტების სერიაში დავმარცხდით.ეხლა იმ მატჩს ღიმილით ვიხსენებთ, რადგან მას შემდეგ დიდი დრო გავიდა. ნებისმიერ შემთხვევაში ჩვენ გვაქვს რევანშის აღებისა და ფინალისკენ გზის გაგრძელების შანსი.
განსაკუთრებით გაგვიჭირდება გერმანიაში თამაში, რადგან გულშემატკივარი ძალიან დიდ მხარდაჭერას უცხადებს გუნდს."
ავტორი: გიგა თედორაძე
|
