იტალიური ”ჯენოა”, რომლის ღირსებასაც საქართველოს საფეხბურთო ნაკრების კაპიტანი კახა კალაძე იცავს, ქვეყნის თასის გათამაშებას მერვედფინალში გამოეთიშა. გენუელები მილანის ”ინტერს” ”სან სიროზე” ეწვივნენ და მატჩი 2:3 წააგეს.
”ჯენოას” მთავარმა მწვრთნელმა დავიდე ბალარდინიმ ძირითადი შემადგენლობის რამდენიმე მოთამაშე დაასვენა და განაცხადში არც კალაძე შეუყვანია, გადახალისებული გუნდით კი ფავორიტის წინააღმდეგ ვერაფერი გააწყო.
პირველ ტაიმში სამუელ ეტო’ოს დუბლს მეორე ნახევარში ხარჯამ უპასუხა, 59-ე წუთზე ”ინტერის” კენიელმა ფორვარდმა მაკდონალდ მარიგამ ორბურთიანი უპირატესობა აღადგინა, სტუმრებმა კი თამაშის მიწურულს მხოლოდ ანგარიში შელამაზება შეძლეს. ეს ჯუზეპე სკულიმ მოახერხა.ავტორი: გიგა თედორაძე
