იტალიის ნაკრები გამოეთიშა მსოფლიო ჩემპიონატს და ამაში წვლილი მარჩელო ლიპისაც მიუძღვის. ამ თემის ირგვლივ ძალიან ბევრს საუბრობენ და კიდევ დიდხანს ისაუბრებენ და უკვე შეჯერდნენ იმ ხუთ სავარაუდო შეცდომაზე, რომელიც იტალიის ნაკრების მწვრთნელმა დაუშვა ყველაზე მთავარ შეცდომად ნაკრებში დაბრუნებას უთვლიან. მუშაობა გუნდთან, რომელსაც არ აქვს დიდი სახარბიელო რესურსები, პრინციპში რთულია.მას რობერტო დონადონისაგან გადაბერებული და შეიძლება ითქვას ძალიან გადაბერებული გუნდი ერგო მემკვიდრეობით. ლიპი ეცადა ახალგაზრდების გუნდში დამკვიდრებას, მაგრამ არ გამოვიდა. იტალიელებმა იგი ყოვლისშემძლედ მონათლეს, მაგრამ ეს ასე არ აღმოჩნდა. 
2. ბრმად ნდობა რამდენიმე ფეხბურთელის
იგი ზედმეტად ენდო კანავაროს, პეპესა და იაკინტას, მათ კი ვერ გაუძლეს ამხელა პასუხისმგებლობას. ძნელი იყო კანავაროს შეცვლა და მისი სკამზე დასმა, მაგრამ რატო ითამაშა იაკინტამ სამივე თამაში თავიდან ბოლომდე? და პეპემ ხუთი ტაიმი ექვსიდან?
3. სათამაშო ფორმის აღდგენის ცუდი მცდელობა
სლოვაკეთთან თამაშში ჩანდა, რომ თითქოს იტალიელ ფეხბურთელებს ფეხები დამძიმებული ჰქონდათ და უამრავ შეცდომას უშვებდნენ. სავარაუდოდ ლიპი ფიქრობდა, რომ გუნდი პლეიოფში გავიდოდა და ფორმასაც დაიბრუნებდა ლიპიმ შეცდომა დაუშვა
4. ოპტიმალური შემადგენლობის ვერ შედგენა
ტოტის, დელპიეროს და გროსოს არ წაყვანა სადღაც გამართლებულია, მაგრამ მათი ადგილი ახალგაზრდებს უნდა დაეკავებინათ. ლიპიმ პირველ ორ შეხვედრაში მარკიზიო თავდამსხმელის პოზიციაზე ათამაშა. იგი ვერ გაიხსნა, ისევე როგორც მონტოლივო მოედნის ცენტრში. ეს ტაქტიკური შეცდომაა. უამრავი ექსპერიმენტი ატარა შეტევის ხაზშიც, სლოვაკეთთან მეორე ტაიმიდან ორი ისეთი ფეხბურთელი გამოიყვანა მოედანზე, კვალიარელა და მაჯიო, რომლებსა წინა შეხვედრებში წუთითაც არ უთამაშიათ. კვალიარელას შემთხვევაში შეცვლა გამოიცნო, მაგრამ დააგვიანა.
5. პირლოს ვერ შეცვლა
ლიპიმ ვერ მოახერხა გუნდისათვის ლიდერის პოვნა, ტრავმის გამო ვერ ითამაშა პირლომ და გუნდმა ლიდერის გარეშე დარჩა ავტორი: გიგა თედორაძე
|
