Goal.com–ის ცნობით, მილანის "ინტერი" ესპანური "ვალენსიას" შემტევი ნახევარმცველით, დავიდ სილვათი დაინტერესდა. შეგახსენებთ, რომ ფეხბურთელის გადაბირების მთავარ კანდიდატებად აქამდე "რეალი" და "მანჩესტერ სიტი" ითვლებოდნენ, თუმცა, როგორც ჩანს, მასიმო მორატი მომავალი სეზონისთვის მზადებას ახალი მწვრთნელის მოყვანასთან ერთად სწორედ ამ ტრანსფერზე მუშაობით იწყებს. 
რაც შეეხება სილვას, მის წასვლასთან დაკავშირებულ სხვადასხვა ინფორმაციას ნებისმიერი საფეხბურთო სააგენტოს ვებ–გვერდზე უკვე ყოველდღე შეხვდებით, თუმცა "ღამურების" ხელმძღვანელობა დავიდ ვილას გაყიდვის შემდეგ ყველანაირად ცდილობს წამყვანი ფეხბურთელების გადინება როგორმე შეაჩეროს, ამიტომ ესპანეთის ნაკრების ახალგაზრდა წევრის გადასაბირებლად ზემოთხსენებულ გუნდებს სერიოზული ბრძოლის გადატანა მოუწევთ.
|
