ამბობენ, ბებერი ხარის რქებიც ხნავსო და მართალია, დაუბრუნდა რა ინტერს ტრავმირებულთა მთელი გუნდი, კლუბმა მშვენიერი თამაში და მშვენიერი განწყობა აჩვენა. მატჩის წინ დიდი მითქმა-მოთქმა იყო, სამუელ ეტოოს დისკვალიფიკაციასა და რაფა ბენიტესის შეგირდების ცუდ თამაშთან დაკავშირებით. ბევრი აცხადებდა, რომ ინტერი პარმასთანაც დაკარგავდა ქულებს.
ეს აზრები კრესპოს მე_4 წუთზე გატანილმა გოლმაც განამტკიცა.თუმცა ინტერისტება ყოფილ ინტერელს ნაშრომი მალევე წყარში ჩაუყარეს. კერძოდ კი, 2 წუთში დეიან სტანკოვიჩმა ორჯერ აიღო სტუმართა კარი. ამას ესტებან კამბიასომაც მოაყოლა მესამე გოლი და 3-1 ანგარიშით გავიდოდნენ გუნდები შესვენებაზე, რომ არა არგენტინელი "ბებერი” გოლეადორის მეორე გოლი 3-2
გულშემატკივარმა მოედანზე მეტად საინტერესო მატჩი იხილა, თანაც თუ გავითვალისწინებთ იმას, რომ ფაქტობრივად სულ ინტერელებმა გაიტანეს ორივე კარში, ფანთა "ბრიგადა” კმაყოფილი უნა დარჩენილიყო.
"შავ-ლურჯებს” ნახევარდაცვა დაუბრუნდა. ტიაგო მოტა, კამბიასო და დეიან სტანკოვიჩი, რომლებიც დიდი ხანი იყვნენ ტრავმირებულები, კარგა ხანია ერთად აღარავის უნახავს. სწორედ ამ ერთობამ და გუნდმა შეძლო პარმას დამარცხება.
