ინტერის მთავარი მწვრთნელი რაფაელ ბენიტესი იმედოვნებს, რომ მისი გუნდი შეძლებს და სძლევს ტვენტეს, ამით კი გაინაღდებს კიდევაც მეთექვსმეტე ფინალის საგზურს.

თამაშამდე ერთი დღით ადრე კი რაფამ შემდეგნაირი კომენტარი გააკეთა: "ეს თამაში ჩვენთვის ძალიან მნიშვნელოვანია როგორც ყველა ჩემპიონთა ლიგის მატჩები. ჩვენ ჩავატარეთ ბევრი კარგი თამაში, მაგრამ გვქონდა ჩავარდნებიც. მე უკვე დავივიწყე წარსული კრახები და მომავალს იმედის თავალებით ვუყურებ, იმედია ეტოოს არ ყოფნა გუნდს ძლიერ არ დაეტყობა. ეხლა ინტერი ერთი შეკრული გუნდია, ნეზარაზუმ თავისი საუკეთესო თამაში უნდა აჩვენოს. მე მქონია მსგავსი სიტუაციები წარსულში, მაგრამ ამ სიტუაციიდან გამოძრომის მე ნამდვილად მჯერა. ჩვენ გამარჯვების გვწამს.”

მილანის "ინტერის” თავდამსხმელი სამუელ ეტოო ზინედინ ზიდანის ცნობილი არასპორტული თავურის მსგავსი საქციელის გამეორების გამო 3–მატჩიანი დისკვალიფიკაციით დაისაჯა.

"კიევო” – "ინტერის” (2–1) მატჩში კამერუნელმა ბოშტიან ცესარს მკერდში "ურქინა”. ეს მომენტი მსაჯისთვის შეუმჩნეველი აღმოჩნდა, თუმცა სადისციპლინო კომიტეტის სხდომაზე ეტოოს დასჯა მაინც გადაწყვიტეს. კამერუნელს ჯარიმად 3–მატჩიან დისკვალიფიკაციასთან ერთად 30 000 ევროს გადახდაც მოუწევს. ასე რომ, ეტოოსთვის 2010 წელს სერია A დასრულებულია, რადგან დისკვალიფიკაციის ვადის გასვლის შემდეგ, დეკემბერში ჩასატარებელი მატჩი "ფიორენტინას” წინააღმდეგ მსოფლიოს საკლუბო ჩემპიონატის გამო გადადებულია.