მიუხედავად არადამაჯერებელი სტარტისა, ჯგუფის ფავორიტებად მაინც "ლილი” და "ინტერი” რჩებიან. დღეს, ეს გუნდები ერთმანეთს დაუპირისპირდებიან და გაირკვევა, რომელი მათგანი შეინარჩუნებს ჯგუფიდან გასვლის მეტ შანსს.
გუნდები მატჩს განსხვავებული განწყობით ხვდებიან. ჩემპიონთა ლიგის მე-2 ტურის შემდეგ, "ლილმა” საფრანგეთის ჩემპიონატში 2 თამაში გამართა და ორივე მოიგო, ხოლო "ინტერმა” პირიქით – 2 მატჩიდან ორივე წააგო.
"ლილი” იტალიურ გუნდებს აქამდე 8-ჯერ შეხვედრია, საიდანაც 5 მოიგო, 1 ფრედ ითამაშა და 2 დათმო. საკუთარ კედლებში, "ლილმა” 4 მცდელობიდან ორჯერ იმარჯვა, ხოლო თითოჯერ ფრედ ითამაშა და წააგო.
"ინტერი” ფრანგულ კლუბებს 20-ჯერ დაუპირისპირდა. აქედან, მილანელებმა 8 მოიგეს, 6 ფრედ ითამაშეს და ამდენივე წააგეს. 10 გასვლითი თამაშიდან "ინტერმა” 4 მოიგო, ხოლო 3-3 ფრედ დაასრულა და დათმო.
ტრავმების გამო, მასპინძლებს სოვი და დე მელო, ხოლო სტუმრებს სამუელი, კოუტინიო და პოლი დააკლდებიან.
• ყველა ტურნირზე ჩატარებული შეხვედრების გათვალისწინებით, "ლილს” უკვე 10 თამაშია არ წაუგია, ხოლო საკუთარ კედლებში საფრანგეთის ჩემპიონი ბოლო 5 მატჩია არ აგებს;
• მიმდინარე სეზონში, გასვლაზე ჩატარებულ ექვს თამაშში "ინტერს” 14 გოლი აქვს გაშვებული;
• "ინტერი” ჩემპიონთა ლიგის ფინალურ ეტაპზე თავის მე-100 მატჩს ჩაატარებს;
• გასულ ორ შეხვედრაში, მაურო სარატემ კარში 6-ჯერ დაარტყა ზუსტად, რაც საუკეთესო შედეგია;
• "ინტერს” ფრანგულ გუნდებთან გამართულ ბოლო სამ მატჩში გოლი არ აქვს გატანილი, ხოლო უკანასკნელი 6 შეხვედრიდან მილანელებმა ვერცერთი მოიგეს;
• ჩემპიონთა ლიგის ჯგუფურ ეტაპზე, საკუთარ კედლებში "ლილს” არასდროს წაუგია.
სავარაუდო შემადგენლობები
ლილი: ლანდრო, დებუში, როზენალი, ბაზა, ბერია, ბალმონი, მავუბა, პედრეტი, კოული, პაიე, აზარი.
ინტერი: სეზარი, მაიკონი, ლუსიო, კივუ, ძანეტი, სტანკოვიჩი, კამბიასო, ობი, სნეიდერი, პაცინი, მილიტო.
მსაჯი: ჰოვარდ უები (ინგლისი).
1. ტრაბზონსპორი 2 1 1 0 2:1 4
2. ინტერი p;3
3. ლილი 2 0 2 0 3:3 2
4. ცსკა 1
გიგა თედორაძე
|
