დღეს მილანის "ინტერის" ფლეიმეიქერმა უესლი სნეიდერმა განაცხადა, რომ მას კვლავინდებურად სურს მოიგოს ჩემპიონთა ლიგის თასი, რაც მისი თქმით ადვილი არცერთი გრანდისთვის არ იქნება.
უესლი სნეიდერი:"მე და ჩემ თანაგუნდელებს კვლავინდებურად გვსურს, რომ კიდევ ერთხელ მოვიგოთ ჩემპიონთა ლიგის თასი. ეს 2009/2010 წლებში მოურინიოსთან ერთად გავაკეთეთ, თუმცა მას შემდეგ საქმე კარგად არ წაგვივიდა. გასული სეზონი, ჩვენთვის ნამდვილი კოშმარი იყო, მაგრამ "ინტერს" ჰყავს ახალი მწვრთნელი კლაუდიო რანიერი, რომლისაც თითოეულ ჩვენთაგანს ეიმედება".
"ორი კვირის განმავლობაში ტრავმირებული ვიყავი, ამ დროისთვის კი მწყობრში ვარ, რაც ძალიან სასიხარულოა. ვიმედოვნებ, რომ "კატანიასთან" შეხვედრაში ძირითად შემადგენლობაში მოგევლინებით. დარწმუნებული ვარ იმაშიც, რომ ჰოლანდიის ეროვნული ნაკრები და "ინტერი" მიაღწევს წარმატებას".
მილანის "ინტერის” მთავარმა მწვრთნელმა კლაუდიო რანიერიმ დღეს "ლუგანოსთან” მისი გუნდის სენსაციური მარცხის შემდეგ უესლი სნეიდერის როლზე ისაუბრა.
შეგახსენებთ, რომ სნეიდერმა ეს შეხვედრა ტრავმის გამო გამოტოვა და მოედნის ცენტრში ის ანდრეა პოლიმ (სადებიუტო შეხვედრა "ნერიაძურიში”) შეცვალა. რანიერის იმედი აქვს, რომ ჰოლანდიელი ნახევარმცველი სერია ა–ს მომდევნო ტურისთვის გამოჯანმრთელებას მოასწრებს.
"სნეიდერია "ინტერისთვის” იგივეა, რაც "რომასთვის” ფრანჩესკო ტოტი, როცა ის მოედანზეა, ყოველთვის რაღაც სასწაული ხდება”, – ამბობს 59 წლის სპეციალისტი "დელო სპორტთან” ინტერვიუში.
მიუხედავად "ლუგანოსთან” დამარცხებისა, რანიერიმ ამ შეხვედრაში პოზიტივების დანახვაც შეძლო:
"საკმაოდ კარგი ვარჯიში გამოვიდა, რომელშიც ახალგაზრდა ფეხბურთელები გამოვცადე და ტრავმის შემდეგ მოედანზ
... კითხვის გაგრძელება »
რაფაელ ბენიტესი კვლავაც უკმაყოფილოა ერთი წლის წინანდელი მისი გათავისუფლებით და პასუხისმგებლობას გუნდის მაღალჩინოსნებს აკისრებს.
ესპანელი მწვრთნელის თქმით, მისი გაშვება დიდი შეცდომა იყო და ყველაფერი მხოლოდ მასიმო მარტის ბრალია.
შეგახსენებთ, რომ ბენიტესის შემდეგ ინტერმა კიდევ ოირ მწვრთნელი გაათავისუფლა. ლეონარდო და ჯან პიერო გასპერინი, რომელმაც მხოლოდ სამი შეხვედრა ჩაატარებინა მილანურ გუნდს სერია ა-ში.
"ის ძალიან ბევრ არასწორ ნაბიჯს დგამს. ჩემს შემდეგ უკვე სამი მწვრთნელი დაიქირავა რაც იმაზე მიუთითებს, რომ მორატი შეცდომას შეცდომაზე უშვებს.”
"ინტერი კარგად ნამდვილად არ მომქცევია. მათ ჩემი შრომა ვერ დააფასეს, მიუხედავად იმისა, რომ სუპერთასი და მსოფლიო საკლუბო ჩემპიონატი მოვაგებინე.”
იტალიური პრესა ბოლო დღეებია აქტიურად წერს იმის შესახებ, რომ მილანის ინტერი დორტმუნდის ბორუსიას ახალგაზრდა წამყვანი ფეხბურთელის მარიო გიოტცეს სამსახურით დაინტერესდა.გუნდის ხელმძღვანელობა 19 წლის ტალანტის გადმობირებას უკვე ზამთარში შეეცდება.
შეგახსენებთ, რომ ფეხბურთელის სავარაუდო ღირებულება 30 მილიონ ევრომდეა.
"ინტერის" და "ნაპოლის" მატჩის შემდგომ იტალიის ფეხბურთის ასოციაციამ "მილანელთა" მთავარი მწვრთნელი კლაუდიო რანიერი 1 მატჩის დისკვალიფიკაციით დააჯარიმა. მიზეზი კი ის გამონათქვამებია, რომლებიც კლაუდიომ მსაჯების მიმართ გამოთქვა.
გარდა ამისა, "ინტერი" მათი გულშემატკივრის საქციელის გამო 8 000 ევროთი დაჯარიმდა. ხავიერ ძანეტი კი, როგორც გუნდის კაპიტანი 1 500 ევროთი.
მატჩის შემდგომ ასევე, ივან კორდობას და დიეგო მილიტოს მათი კომენტარების გამო 10 000 ევროიანი ჯარიმა დააკისრეს.
მილანის "ინტერი” სერია A- ს ერთ–ერთ აუტსაიდერ "ჩეზენას” სტუმრობდა და ალბათ წააგებდა კიდეც, პატარა სასწაული რომ არა, პაცინიმ რომ მოახდინა. "ნერაძურის” ფორვარდმა მსაჯის მიერ დამატებულ წუთებში ორი გოლი გაუტანა მასპინძლებს და გუნდს სამი ქულა მოუტანა.ჩეზენა 1–2 ინტერ
მიუხედავად იმისა, რომ დიდი შანსია მილანის ინტერში ზაფხულში კარლოს ტევესი გადავიდეს და წინა ხაზზე საკმაოდ დიდი კონკურეცია შეიქმნას გორან პანდევი გუნდის დაროვებას არ აპირებს.
"გორანი ინტერიდან წასვლას არ აპირებს. ვფიქრობ ის და ტევესი შეტევაში კარგი წყვილი იქნებიან.
დიახ, ვეთანხმები, რომ ინტერში მართლაცაა საჭირო გარკვეული გადანაცვლებები. მაგრამ ეს სულაც არ ნიშნავს იმას, რომ პანდევის ადგილი აქ აღარ არის”-განაცხადა ფეხბურთელის აგენტმა.
მილანის "ინტერის” მცველი ლუსიო წინასამატჩო კომენტარს აკეთებს ჩემპიონთა ლიგის მეოთხედფინალში "შალკესთან” დაპირისპირებაზე და აცხადებს, რომ მისი გუნდის მთავარი ამოცანა პირველივე წუთებიდან შემტევი ფეხბურთის თამაშია.
შეგახსენებთ, რომ პირველი მატჩი აღნიშნულ გუნდეს შორის "შალკეს” გამარჯვებით, 5:2 დასრულდა:
"ჩვენ აუცილებლად უნდა გავიტანოთ გოლები პირველი მატჩის ანგარიშის საპასუხოდ. ვფიქრობ მთავარი ის კი არ არის, 4 ბურთის სხვაობით დავამთავროთ ეს შეხვედრა, არამედ მთავარია ჩვენი გასაკეთებელი, პრესტიჟის ქულები მოვიპოვოთ.
"ინტერი” პირველივე წუთებიდან შეუტევს და ვეცდებით გოლი არ გავუშვათ საკუთარ კარში. ძალიან დიდი იმედი მაქვს რომ იმ შედეგს მივიღებთ რაც ყველას ასე ძალიან გვსურს”.
"მანჩესტერ სიტის” არგენტინელი ლიდერის, კარლოს ტევესის მილანის "ინტერში” შესაძლო გადასვლის შესახებ ხმების გავრცელება არ წყდება.
ცოტა ხნის წინათ, გავრცელდა ცნობა, რომ მილანელები მზად იყვნენ, ტევესის სანაცვლოდ, "ქალაქელებისთვის” 45 მილიონი ევრო გადაეხადათ. The Telegraph-ის მიერ გავრცელებული ინფორმაციით, "ნერაძური” 27 წლის შემტევში ოცდაათ მილიონსა და დიეგო მილიტოს ჩამოდის.
მიმდინარე სეზონში, მილიტოს საქმეები კარგად ნამდვილად არ მისდის. სერია A-ში, 31 წლის თავდამსხმელმა, საერთო დროის მხოლოდ 40% ითამაშა. გასაკვირი ნამდვილად არ იქნება, თუ არგენტინელი შემტევი სათამაშო ადგილის შეცვლას დასთანხმდება. რაც შეეხება ტევესს, ბოლო დროს გავრცელებული ინფორმაციის თანახმად, იგი "ინტერის” ხელმძღვანელობასთან მოლაპარაკებებს აწარმოებდა, რაც იმას ნიშნავს, რომ იგი იტალიაში თამაშის წინააღმდეგი არაა. საკითხავი ის დარჩა, შეელევა თუ არა მანჩესტერული კლუბი გუნდის უდავო ლიდერს.