იტალიის სერია A-ს XX ტურში "ლეჩესთან” დამარცხების (1:0) შემდეგ, მილანის "ინტერის” მთავარმა მწვრთნელმა კლაუდიო რანიერიმ აღნიშნა, რომ შეტევით ხაზში გუნდი ძალიან სუსტად გამოიყურებოდა.
"ჩვენ კარგად ორგანიზებული დაცვისა და მშვენიერი მეკარის წინაარმდეგ ვითამაშეთ. წინა ხაზში ძალიან ვნერვიულობდით, თან გუნდური მუშაობა გვაკლდა. ჩვენი მიზანი ჩემპიონთა ლიგის საგზურის მოპოვებაა და მხოლოდ სამი ქულა გვაშორებს ამ მიზნის მომტან ადგილამდე”, – რანიერის სიტყვები კლუბის ოფიციალურმა საიტმა გამოაქვეყნა.
შეგახსენებთ, რომ ამ დროისთვის "ინტერი” სატურნირო ცხრილში 35 ქულით მეხუთე ადგილს იკავებს და სულ ერთი ქულით ჩამორჩება მეოთხე პოზიციაზე მყოფ "ლაციოს”.
|