სერია A-ს მიმდინარე გათამაშების ძალზე ცუდად დაწყების შემდეგ, ალბათ ვერავინ იფიქრებდა, რომ პირველი წრის შემდეგ, მილანის „ინტერი" საჩემპიონო ბრძოლაში დაბრუნებული იქნებოდა, მაგრამ გუნდის საშველად მიწვეულმა კლაუდიო რანიერიმ „ნერაძურის" ზედიზედ 7 თამაში მოაგებინა, რის წყალობითაც, „ინტერმა" მე-4 ადგილზე გადაინაცვლა და ლიდერთან ქულათა სხვაობა 6-მდე შეამცირა.
; რანიერის გუნდის მორიგი მსხვერპლი ის „ლაციო" გახდა, რომელსაც მე-4 ადგილი აქამდე ეკავა. რომაელებმა მილანში ანგარიშის გახსნა კი მოახერხეს, მაგრამ საბოლოოდ ისინი მაინც უქულოდ დარჩნენ. „ჯუზეპე მეაცაზე" გამართულ მატჩში პირველი გოლი 30-ე წუთზე გავიდა, როდესაც როკიმ ლედესმას გადაცემა გამოიყენა. ტაიმის მიწურულს, მილიტომს რიკი ალვარესთან ორსვლიანი კომბინაცია გაითამაშა და მახვილი კუთხიდან დარტყმით ანგარიში გაათანაბრა. შეხვედრის მშვენება გოლი 63-ე წუთზე გავიდა - მოედნის ცენტრიდან ლუსიოს მიერ გაკეთებული გადაცემის შემდეგ სტუმარი მცველები შეცდნენ, რასაც პაცინის მეკარესთან პირისპირ გასვლა და ლამაზი დარტყმით, მისთვის ბურთის თავზე გადაგდება მოჰყვა
ინტერი-ლაციო 2:1 (1:1) მილანი, "ჯუზეპე მეაცა” 52000 ინტერი (4-4-2): სეზარი, მაიკონი, ლუსიო, სამუელი, კივუ (ობი 46), ნაგატომო, ძანეტი, კამბიასო, ალვარესი (სნეიდერი 46), მილიტო (ფარაონი 69), პაცინი. მწვრთნელი: კლაუდიო რანიერი. ლაციო (4-3-1-2): მარკეტი, ძაური (სისე 72), ბიავა, დიასი, რადუ, გონსალესი (კონკო 66), ლედესმა, ლულიჩი, ერნანესი (მათუსალემი 46), კლოზე, როკი. მწვრთნელი: ედოარდო რეია. გოლები: 0:1 როკი (30), 1:1 მილიტო (44), 2:1 პაცინი (63). გაფრთხილება: დიასი 2. მსაჯი: ნიკოლა რიცოლი. ბურთის ფლობა: 46%-54%, დარტყმა: 8 (4)-8 (3), კუთხური: 5-5, თამაშგარე: 4-4, სეივი: 1-2, ჯარიმა:14-15
|