დღეს იტალიში დიდი მატჩი გველის წინ. ერთმანეთს ორი მილანური კლუბი დაუპირპსირდება.
"დერბი დელა მადონინა” როგორც ხშირ შემთხვევაში ამ მატჩს უწოდებენ თბილისის დროით 23:45 წუთზე დაიწყება.
სანამ უშუალოდ დღევანდელი თამაშის პერიპეტიებზე ვისაუბრებთ, მიმოვიხილოთ მადონინას ისტორია.
მილანისა” და "ინტერის” შეხვედრა, სადაც და რა დონეზეც არ უნდა გაიმართოს მუდამ ყურადღების ცენტრშია. მადონინა ამ დაპირისპირებას ეწოდა მილანის ერთ–ერთი ღირსშესანიშნაობის ქალწული მარიამის (Maria Madonina) ოქროსფერი ქანდაკების საპატივცემულოდ,რომელიც მილანის ტაძრის თავზე დგას.
ამ მატჩით ცხოვრობს ქალაქი მილანი და იტალიის დიდი ნაწილი. დაპირისპირებული ტიფოზები შემოდგომასა და გაზაფხულზე ერთმანეთს იმის მიხედვით ხვდებიან, თუ როგორ ითამაშეს ერთმანეთში ლომბარდიულმა გრანდებმა. თუ უპირატესობა "მილანს” აქვს, "ინტერის” ფანები ოდნავ მოკრძალებულად გამოიყურებიან, ხოლო თუ პირიქითაა, უკვე როსონერის ტიფოზები დადიან თავჩაღუნულნი. ალბათ წარმოდგენილი გაქვთ, თუ როგორ ივსება ერთ დღეს, მზიან, წვიმიან თუ მოღრუბლულ ამინდში "სან სირო”. ამ დღეს მილანის ყველა რაიონიდან ხალხი ქალაქის გარეუბნისკენ სან–სიროსკენ. შედიან სტადიონზე და ამავდროულად სულ სხვა სამყაროში ხვდებიან. სამხრეთ სექტორში ტრადიციულად "Curva Sud”-ია განლაგებული. ეს დაჯგუფება "მილანს” გულშემატკივრობს, ხოლო ჩრდილოეთით "Curva Nord”-ი იწონებს თავს. უნდა აღინიშნოს, რომ ეს უკანასკნელი ყველაზე რადიკალური და დაუნდობელი ტიფოზთა ჯგუფია არამარტო იტალიაში, არამედ მთელს ევროპაში.
ახლა მიმოვიხილოთ უშუალოდ დღევანდელი მატჩის სავარაუდო შემადგენლობები
სასიამოვნო სიახლე მილანისთვის ისაა, რომ ნესტა დაუბრუნდა გუნდს და ტიაგო სილვასთან ერთად მძლავრი ცენტრი ექნება ამ მატჩში. ეს ატალანტასთანაც გამოჩნდა, სადაც მილანმა 2-0 დაამარცხა ადგილობრივი კლუბი.
როგორც ირკვევა ძირითადს აბატე და ზეედორფიც დაუბრუნდნენ.თუმცა არასასიამოვნოა ის, რომ გატუზო და აკვილანი დანამდვილებით გამოტოვებენ ინტერთან თამაშს.
პსჟ-თან დაკავშირებული ამბების გამო, სავარაუდოდ, ალეგრი ბრაზილიელ პატოს ამავე ქვეყნის წარმომადგენელი რობინიოთი ჩაანაცვლებს. იგი შვედ იბრაჰიმოვიჩს გაუწევს პარტნიორობას.
რაც შეეხება მეორე მხარეს, ინტერმა წინა ტური ბრწყინვალე გამარჯვებით დაასრულა პარმასთან 5-0 და სავარაუდოა, რომ რანიერი სწორედ იმ 11 ფეხბურთელს გამოიყვანს მილანთანაც. დიეგო ფორლანიც და უესლი სნეიდერიც გამოკეთდნენ, თუმცა რანიერი ორივე ფეხბურთელს სათარიგოთა სკამზე გაამწესებს და საჭიროების შემთხვევაში დაახმარებს გუნდს.
მიუხედავად მცირე ტრავმისა ბრაზილიელი მაიკონის ძირითადში ხილვასაც ელის გულშემატკივარი.
იცით თუ არა რომ?
მილანი დერბიში ინტერზე უკეთესად გამოიყურება მთელი ისტორიის მანძილზე. 276 მატჩიდან 109 გამარჯვება, 72 ფრე და 95 მარცხი.
ჩემპიონებს სერია ა-ში ყველაზე შედეგიანი თავდამსხმის ხაზი ჰყავთ. 37 გოლი 17 მატჩში, რაც იუვენტუსის გოლების რაოდენობას ბევრად აღემატება.
იბრაჰიმოვიჩი სერია ა-ს საუკეთესო ბომბარდირია.
ალეგრის გუნდმა ბოლო 3 ოფიციალური დერბიდან სამივე მოიგო. 1-0, 3-0 და 2-1.
ინტერმა ბოლო ხუთი მატჩი ზედიზედ გამარჯვებით დაასრულა.
მილიტოს მილანის კარი უკვე 5-ჯერ აქვს აღებული, რაც ინტერის ფორმა ჩაიცვა.
მილანისა და ინტერის უკანასკნელი ურთიერთშეხვედრები:
ამხანაგური - 18 აგვისტო, 2011 - მილანი 0:1 ინტერი იტალიის სუპერთასი - 6 აგვისტო, 2011 - მილანი 2:1 ინტერი სერია ა - 2 აპრილი, 2011 - მილანი 3:0 ინტერი სერია ა - 14 ნოემბერი, 2010 - ინტერი 0:1 მილანი სერია ა - 24 იანვარი, 2010 - ინტერი 2:0 მილანი
ფაილების კატალოგი 
