რობერტო ბაჯო 1967 წლის 18 თებერვალს დაიბადა იტალიის დაბა კოლდოგნოში.
სერია-A ში დებიუტი 1982 წელს ჰქონდა „ვიჩენცას" შემადგენლობაში.
გახსოვთ 1994 წელს ა.შ.შ.-ში ჩატარებული მუნდიალი? თუ გახსოვთ გეცოდინებათ, რომ ამ ჩემპიონატზე რამოდენიმე ფრიად აღსანიშნავი ფაქტის მომსწრე გახდა მაყურებელი.
ბერტი ფოგსის გადაწყვეტილება, მუნდიალის მიღმა დაეტოვებინა ლოთარ მათეუსი, დანილელ პასარელას ახირება, გრძელ თმიანი ფეხბურთელების ნაკრებიდან მოკვეთის თაობაზე, რამაც შესანიშნავ ფორმაში მყოფი კლაუდიო კანიჯა ნაკრებს მიღმა დატოვა. რა თქმა უნდა, აღნიშვნის ღირსია ფეხბურთის უგვირგვინო მეფის დიეგო მარადონას დისკვალიფიკაცია. თუმცა მუნდიალის მთავარ მოვლენად იქცა ფინალურ მატჩის დროს პენალტების სერიაში იტალიელი რობერტო ბაჯოს მიერ გაცუდებული თერთმეტმეტრიანი. ბაჯომდე მასარომ და ბარეზიმ ააცილეს …თუმცა..ბაჯოს არ აპატიეს.. რობერტო ბაჯო 1967 წლის 18 თებერვალს დაიბადა იტალიის დაბა კოლდოგნოში. სერია-A ში დებიუტი 1982 წელს ჰქონდა „ვიჩენცას" შემადგენლობაში. შემდეგ იყო "ფიორენტინა", სადაც „ცხენისკუდამ" 5 წელი დაჰყო და ამის შემდეგ დაიწყო რობის აღმავლობა, იგი ტურინის „იუვენტუსის" შემადგენლობაში აღმოჩნდა. „ბებერ სინიორასთან" ერთად ბაჯომ უეფას თასი მოიგო… 1993 წელს რობერტო ბაჯო მსოფლიოს საუკეთესო ფეხბურთელი ხდება. და დადგა 1994 წლის მუნდიალი. იტალია ტრადიციულად ჯახირით გავიდა ჯგუფიდან. მერვედფინალებიდან მოყოლებული „სკუადრა აძურა" ბაჯომ, შეიძლება ითქვას მხრებით ათრია ფინალამდე.. ფინალში კი არიგო საკის კრებულს რომარიოს ბრაზილია ელოდა… 120 წუთიანი უშედეგო ბრძოლის შემდეგ დაინიშნა პენალტების სერია, აი აქ კი ჩვენი სტატიის გმირს ნერვებმა უმტყუნა და… რობის რომ გაეტანა მისი კარიერა ალბათ უფრო შთამბეჭდავი იქნებოდა... თუმცა მან ეს ვერ შეძლო და იტალიელების ოცნებამ, მეოთხედ გამხდარივნენ მსოპლიოში ნომერი პირველი, კრახი განიცადა... სრულიად იტალია გლოვობდა, სრულიად იტალიამ ამ მარცხში მთავარ დამნაშავედ რობერტო ბაჯო მიიჩნია…
სწორედ ამის გამო, უკვე მილანში მოასპარაზე რობერტო არიგო საკიმ 1996 წლის ევროპირველობის მიღმა დატოვა…"სკუადრა აძურამ" სრული კრახი განიცადა.. იტალიელები ჯგუფში ჩარჩნენ.
რობის კარიერაში კი დაღმასვლა დაიწყო… ამას დაემთხვა მილანის კატასტროფული ასპარეზობა იტალიის ჩემპიონატში.
1997 წელს რობი მოკრძალებულ „ბოლონიაში" გადავიდა, სადაც ისევ მოირგო ლიდერის ფუნქცია და 1 წლის შემდეგ ჩეზარე მალდინიმ იგი საფრანგეთში გამართულ მუნდიალზე იახლა.
ეს იყო უკანასკნელი დიდი საფეხბურთო ფორუმი, რომელშიც უკვე ბუდიზმში გადავარდნილმა „ცხენისკუდამ" მონაწილეობა მიიღო. ჩემპიონატის შემდეგ რობერტო მეორე მილანურ გიგანტში,"ინტერნაციონალეში" გადავიდა.
იქ მას რონალდო და ივან სამორანო ელოდნენ…თუმცა მიუხედავად ამ შესანიშნავი სამეულისა „ინტერმა" მაინც ვერ შეძლო მისთვის საოცნებო სკუდეტოს მოპოვება…
„ინტერიდან" რობერტომ „ბრეშაში" გადაინაცვლა... 4 წლის განმავლობაში იგი გუნდის უდავო ლიდერი და კაპიტანი იყო... 2004წელს კი ბაჯო წავიდა.
რობერტო ბაჯო მეოცე საუკუნის იტალიის სიმბოლური ნაკრების წევრია.
აღიარებულია 90-იანი წლების საუკეთესო იტალიელ ფეხბურთელად.
საოცარია, მაგრამ ამ მართლაც ლეგენდარულ იტალიელს არასდროს მოუგია იტალიის ჩემპიონობა. თუმცა ეს არანაირად არ აკნინებს მის ღვაწლს იტალიური ფეხბურთის წინაშე...
კარიერის მანძილზე რობერტო ბაჯომ იტალიის ჩემპიონატში ჩაატარა 488 მატჩი, გაიტანა 218 გოლი.
„სკუადრა აძურის" შემადგენლობაში რობიმ 1988 – 2004 წლებში ჩაატარა 56 მატჩი და გაიტანა 27 გოლი.
სტატის ბოლოს გთავაზობთ მცირე ვიდეო კოლიაჟს რობერტო ბაჯოს კარიერიდან.